നേരത്തെയുള്ള കരിച്ചില്‍ രോഗം (ഏര്‍ലി ബ്ലൈറ്റ് )(Alternaria solani)

ലക്ഷണങ്ങള്‍

• വളർച്ചയുടെ എല്ലാ ഘട്ടത്തിലും ഉരുളക്കിഴങ്ങിനെ ബാധിക്കുന്ന ഒരു സാധാരണ രോഗമാണ് ഉരുളക്കിഴങ്ങിലെ കരിച്ചില്‍, ഇലയിലെ പുള്ളികളും ഇലകരിച്ചിലുമാണ് ലക്ഷണങ്ങള്‍.
• ഇലകളെയും കിഴങ്ങിനേയും ബാധിക്കുന്ന ഈ രോഗം തുടക്കത്തിൽ താഴ്ഭാഗത്തെ പ്രായമായ ഇലകളില്‍ വൃത്താകൃതിയിലുള്ളതോ ഓവൽ ആകൃതിയിലുള്ളതോ ആയ തവിട്ടുനിറത്തിലുള്ള പാടുകള്‍ ഉണ്ടാക്കുന്നു.
• രോഗം പുരോഗമിക്കുമ്പോൾ ഈ പാടുകൾ വലിയ കോണാകൃതിയിലുള്ള മുറിവുകളായി മാറുന്നു .
• താഴ് ഭാഗത്തെ ഇലകളിലെ പാടുകള്‍ വരണ്ട കടലാസുപോലെ കാണപ്പെടുന്നു, പലപ്പോഴും കാളയുടെ കണ്ണിനോട് സാമ്യമുള്ള വളയങ്ങൾ പ്രകടമാക്കുന്നു, വളയത്തിനു ചുറ്റുമുള്ള ഭാഗം മഞ്ഞനിറമാകാൻ സാധ്യതയുണ്ട്.
• ഉയർന്ന താപനിലയും ഈർപ്പവും രോഗത്തെ രൂക്ഷമാകാന്‍ കാരണമാകുന്നു
• സമാനമായ പാടുകൾ തണ്ടുകളിലും കാണപ്പെടുന്നു. ഇവ മണ്ണിനോട് ചേർന്ന് രൂപപ്പെടുമ്പോൾ തണ്ടുകൾ ഒടിഞ്ഞു വീഴാൻ സാധ്യതയുണ്ട്
• രോഗം ബാധിച്ച കിഴങ്ങുകള്‍ തവിട്ട് നിറത്തിലുള്ള വൃത്താകൃതിയിലോ ക്രമരഹിതമോ ആയ, കുഴിഞ്ഞ പാടുകള്‍ കാണപ്പെടുന്നു, കിഴങ്ങ് വരണ്ടതും കോര്‍ക്ക് പോലെയും ആകുന്നു.
• സംഭരണ സമയത്ത്, പാടുകള്‍ വലുതാകാൻ പ്രവണത കാണിക്കുന്നു, തൽഫലമായി രോഗം ബാധിച്ച കിഴങ്ങുകള്‍ ചുരുങ്ങി പോകുന്നു.

നിയന്ത്രണ മാര്‍ഗ്ഗങ്ങള്‍

• രോഗം പടരാതിരിക്കാൻ വിള അവശിഷ്ടങ്ങളും മറ്റ് കളകളും ശേഖരിക്കുകയും നീക്കം ചെയ്യുകയും വേണം.
• നടുമ്പോൾ രോഗബാധയില്ലാത്ത കിഴങ്ങുകളാണ് ഉപയോഗിക്കുന്നതെന്ന്‍ ഉറപ്പാക്കുക.
• കൃത്യമായ വളപ്രയോഗം നടത്തുക .
• വിള വളർച്ചയുടെ നിർണായക ഘട്ടങ്ങളിൽ ജലസേചനം നൽകുക.
• കുഫ്രി സിന്ധുരി എന്ന ഇനം ഈ രോഗത്തിനെതിരെ നല്ല പ്രതിരോധം കാണിക്കുന്നു.
• രോഗം പടരുന്നതിനുള്ള അനുകൂല സാഹചര്യങ്ങൾ ഒഴിവാക്കാൻ വെള്ളക്കെട്ട് തടയുക.
• വിതച്ച് 45 ദിവസത്തിന് ശേഷം യൂറിയ (1.0%) തളിക്കുക, തുടർന്ന് 8-10 ദിവസം ഇടവിട്ട് തുടർന്നുള്ള സ്പ്രേകൾ, പ്രാരംഭ ഘട്ടത്തിലെ രോഗത്തെ പ്രതിരോധിക്കാൻ സഹായിക്കും.

രാസ നിയന്ത്രണം

Extremely Toxic

Highly Toxic

Moderately Toxic

Slightly Toxic